21
set
2010
S’ammentu de Giuanne Seu
Pro s’ammentu de Giuanne Seu sunt bennidos a Tzaramonte Mario Brunu Agus de Gairo, Zuseppe Porcu de Irgoli, , Zuseppe Donaera de Ossi, Nigola Farina de Orgosolo, Sevadore Ladu di Sarule, Paolu Usai de Gairo, Sevadore Iscanu de Othieri, Costantinu Sanna de Perfugas, at partecipadu puru Zuseppe Forrija de Tzaramonte. In su palcu su coro Murales de Orgosolo e Sevadore Patatu cun Paolu Pillonca chi ant faeddadu de sa vida e de sa poesia de Giuanne Seu. Pro la narrere cun Paolu Pillonca sa poesia de Seu fit sustantziosa, sos versos fint flumtes e sa oghe bene intonada e armoniosa.
Puru sos poetes ant cantadu de sa vida, sas virtudes de poete de Giuanne Seu. Parizos l’ant connoschidu, ateros l’ant iscultadu dae sas registratziones, totus l’ant apidu geniale.
Gianne Seu est e at a restare unu de sos mazores poetes improvisadores de Sardigna. Totus sos poetes ant manifestadu de creere chi issu como continuat a cantare in Chelu cun sos ateros poetes chi sunt passados a su Regnu Divinu.
Allegradi Giuanne de s’ammentu
Chi mesa Elicona t’at cantadu
E totu Tzaramonte meda attentu
Cun grande passione t’at pessadu.
Non si los giughet de tzertu su entu
Sos versos tuos chi nos ant incantadu
Ant a durare pro milli annos chentu
O rosinzolu chi innoghe ses bistadu.
Cando curre su entu in sas carrelas
Sa oghe tua zocat in sas domos
Pro dare paghe a sos biddanos tuos.
In custu mundu pienu de ranzelas
Non bastant de sos vates tantos tomos,
Recreu nos dant sos cantigos tuos.
Condividi su Facebook
RIngrazio di cuore Angelino per le belle parole e i versi che seguono. Il ricordo di Tiu Juanne rimarrà sempre vivo nel cuore di tutti i chiaramontesi che hanno apprezzato in vita e dopo la sua dipartita, i versi che lui sapientemente ci ha lasciato.
A breve pubblicherò un articolo con allegate le registrazioni del tributo di ieri sera, in modo si possa far felice chi, purtroppo non per propria volontà, vive lontano dalla nostra isola.
Inserisci un commento