Piantu de Sardigna

Tempus fidi chi sos betzos antigos,
chircaiana sa janna pro atteros mundos.
In sa terra, mama ‘e totu sos bios,
ifossadu hana sa rocca,
e fatu hana sas losas a sos jaios,
nende pregadorias e cun faghere de majaos,
han balladu, cantadu e onoradu.

Poi de tempus s’omine meschinu,
pius ha timidu cussos logos de riposu,
est intradu e hat isfasciadu,
catigadu cussu logu de rispettu,
comente alveghes in pasculu,
baddinosas e ignorantes,
han violadu sa memoria.

Chie pensende isfasciende ,
de acciappare su sidhadu,
cun muscas in manu est frimmadu,
non fint piramides d’Egitto,
cun siendhas e zente famada,
ma losas poberas e de rocca,
de s’antiga zente sarda.

Pagu frimmada de bellesa,
de sas antigas pinturias,
puru sas fintas jannas pintadas,
isfasciadas cu s’ispera de agattare,
istanzias pienas de sidhados,
istatuas chi figuran sos antigos,
chenza pessare a sos dannos.

Intende omine sardu,
su piantu de sas cosas antigas,
ca su chi fidi non torrada pius.

Amus piantu sa domos de janas,
ma ite narrere de sos runaghes?
Irrobados, isfattos annos de istoria,
cando sos sardos fin abiles navigadores,
e vivian in domos de pedra,
hana iscrittu tota s’istoria,
de s’Icnusa s’isola amada.

Los han lassados falare
chentza refrenu calecunu,
pedras carradas peri sas campagnas,
pro faghere muros e imbellittare cortes.
Istatuinas e barchitas d’onzi manera,
donadas o bendidas a zente furistera,
ch’ena coro o cuscéntzia.

Tantu a nois, sos sardos, indianos de Sardigna,
sunt bastadas sempre sa faffarutzas.
De totu s’inari balanzadu in terra sarda,
sos barones, sos meres e totu umpare
hana bene imparadu su gioghitu,
a nois toca sempre sa lemosina,
issos già si mandigana su restu.

E como c’amus guasi tottu isfattu?
Totu et in totue amus lassadu isfaghere?
Nos lamentamus che canes famidos,
preghende sa mantessi zente isfruttadora,
chi no diede tribagliu e bundantzia.
Candu su sardu ada cumprendere,
ch’est s’ora ‘e l’agabbare,
e no a che colare sempre chei sos maccos?

Debo cumprendere:
su mere est su mere,
ma nois non semus iscravos.
Sa terra nostra no anda bendida,
solu nois la podimus avvalorare.

Carlo Moretti
Testo depositato: Licenza Patamu: 21759